KAREPKU

Bah aku mangan watu, karepku
Bah aku mangan kerikil, karepku
Bah aku mangan taek, karepku

Watuku gak cukup watu, tapi watu nang njero kalbu
Kerikilku gak cukup nyandungi sikil, tapi kerikil nang pikiranku
Taekku gak cukup taek, taekku ting mbleber nang raiku

Piro regane nanggap wayang, nek gak ono dalang
Piro regane naggap orkes, neg gak ono kendang
Piro regane naggap ludruk, nek tiket masuke diregani krupuk

Aku gak ngerti kudu nang ndi
Wingi jek tas aku metu teko omah
Lawang blak, tak bukak
Jek oleh sak langkah
Lawang omahku gak koro-koro ketutup
Tak bukak, bukak, tak cukit nggawe wesi, gak mempan

Saiki uripku wis nang njobo, gak ono daya gawe mlebu neh
Garbo wis saklawase ketutup, aku gak isok balek
Tangan iki tanganku, tapi kudu tak apakno
Sikil iki sikilku, tapi kudu nang ndi tak lakokno

Ancen bener, uripku iku yo karepku
Tapi saiki aku nang nggon peteng
Onok srengenge tapi kepadangen
Nggarai aku merem
Akhire tetep, aku nang njero peteng


GM
Yogyakarta, 10 September 2015